Есента на северната хемисфера на Земјата календарски почнува денеска во 22 часот и 44 минути. Истовремено на јужната полутопка ќе настапи пролетта.
Есента ќе трае 90 дена и ќе заврши на 21 декември во 18 часот и 11 минути.
На првиот есенски ден времето во Македонија ќе биде променливо облачно со услови за краткотраен дожд. Минималната температура ќе се спушти до 3, а максималната ќе достигне до 27 степени.
Денеска, на почетокот на есента Сонцето ќе изгрее во 6 часот и 27 минути, а ќе зајде во 18 часот и 38 минути.
Во моментот на доаѓањето на есента Сонцето ќе биде оддалечено од Земјата 150.122.034 километри, а тоа растојание сончевите зраци до планетата ќе го поминуваат за 8 минути и 21 секунда.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
