Економијата е на добар пат. Црните прогнози на опозицијата од декември лани дека ако се донесе буџетот, Македонија ќе банкротира за шест месеци, не се остварија. Обврските редовно се сервисираат. Ликвидна ли е државната каса?
Ставревски: За жал, опозицијата постојано има неконструктивен пристап и неаргументирано пласира црни сценарија за Македонија. Така беше сите изминати години, така е и оваа. Еве поминаа осум месеци од 2013 година, македонската економија има трет најдобар резултат во Европа, редовно се исплаќаат сите обврски од буџетот, долгот е и натаму четврт најмал во Европа. Каде е крахот што го најавуваа опозиционерите? Јавноста може да процени кој беше во право и дали се исполнија нивните сценарија.
Ликвидноста на буџетот е добра бидејќи при планирањето на Буџетот беа извршни внимателни анализи и беше обезбедена стабилна рамка за финансирање, чијашто основа се реално планираните буџетски приходи, како и обезбедените средства од меѓународни извори, под поволни услови. Обврските од буџетот редовно се сервисираат при што навремено се исплаќаат пензиите, платите и социјалната помош. Како што беше најавено, заклучно со февруари 2013 година целосно се исплатија обврските кон стопанството во износ од 92 милиони евра, од кои 52 милиони евра обврски по основа на поврат на ДДВ и 40 милиони евра за реализирани проекти. Со тоа Македонија е една од ретките земји од регионот што се раздолжи кон стопанството, што беше потврдено и од меѓународните финансиски институции. Оттогаш редовно се извршуваат обврските кон стопанството и навремено се врши повратот на ДДВ. Токму оваа ликвидносна инјекција многу помогна македонските фирми да имаат солидни резултати во услови на голема економска криза, посебно кога станува збор за градежните компании. Нема земја во Европа во која градежништвото има пораст, а не, пак, пораст од 33 проценти како во Македонија. Тоа не е случајно. Тоа е резултат на изборот на оваа Влада, која форсира капитални инвестиции од буџетот во сите сфери. Тие создаваат работа не само за градежните компании, туку и за стотици мали фирми, кои се подизведувачи. Со тоа се спасија илјадници работни места, се обезбеди плата за работниците во вакви тешки времиња.
Интервјуто со Зоран Ставревски е објавено во денешниот број на неделникот Република, бр.55
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
