Работната недела започнува со претежно облачно време во поголем дел од земјава, а во западните региони и со дожд, кој претпладне ќе биде застапен претежно на северозапад, а попладне на југозапад. Според Метеопро слаб дожд е можен и во мал дел од истокот од Македонија. Температурата ќе има максимум околу 23°С на исток и околу 20°С на запад. На повисоките места во западниот дел од земјата температурниот максимум ќе биде малку над 15°С. Најтопло ќе биде на југоисток со максимални 26°С. Ветерот ќе биде слаб и претежно од југозапад.
Во Скопскиот регион ќе биде претежно облачно со повремени сончеви периоди. Повремено ќе врне слаб дожд. Во вечерните часови ќе имаме значително разведрување. Температурниот максимум ќе има вредност околу 24°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
