Албански државјанин провалил во просториите на Охридско лето

Полицијата му поднела кривична пријава, а истражен судија му одредил притвор во траење од 30 дена.

Дваесетгодишник од Подградец, Република Албанија, доби кривична пријава поради постоење основи за сомнение за сторено казнено дело кражба на фотоапарат и на лаптоп од канцелариите на Охридско лето. Истражен судија му одредил мерка притвор во траење од 30 дена.

Според податоците на СВР-Охрид, пријавениот во два наврата провалил во просториите на Охридско лето, од каде што зел фотоапарат „никон“ и еден лаптоп со дополнителна компјутерска опрема, како и неколку стика. Двете кражби пријавениот Д.Р. ги извршил во канцеларијата на програмскиот сектор на фестивалот Охридско лето, користејќи згодна можност – канцелариска врата била оставена отклучена.

Полицијата пронашла дел од украдените предмети во собата во која бил сместен албанскиот државјанин. Лаптопот го продал за 2.000 денари.

Албанскиот државјанин илегално ја преминал македонско-албанската државна граница со плен од 1.200 евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.