Неуспехот на британскиот премиер Дејвид Камерон да добие парламентарна поддршка за воена операција во Сирија се одрази на неговиот рејтинг.
Според анкетите, 59 проценти од испитаниците изјавиле дека Камерон избрзал кога побарал да се гласа во Парламентот без да знае дали има поддршка од пратениците.
Истражувањата покажуваат и дека опозициската Лабуристичка партија ја зголемила предноста во однос на Конзервативната партија на премиерот од четири на десет поени по неуспехот на Камерон во Парламентот.
Резултатите од анкетите покажуваат дека Британците не сакаат земјата да учествува во воена операција врз Сирија, како и дека премиерот Камерон не се соочил добро со ситуацијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
