Џозеф Дунфорд: Губиме многу луѓе во битките

Полицијата и армијата во земјата губат премногу луѓе во битките – смета командантот на НАТО во Авганистан Џозеф Дунфорд. Американскиот генерал во интервју за „Гардијан“ вели дека на авганистанските безбедносни сили може да им се потребни уште пет години западна обука и поддршка пред да можат да преземат целосна одговорност за безбедноста во земјата.

Американскиот претседател Барак Обама вети дека до крајот на 2014 година Авганистанците ќе преземат целосна одговорност за својата безбедност, но дека одреден број војници на НАТО ќе останат во Авганистан и ќе ги обучуваат авганистанските сили. Дунфорд сугерира дека помош од вакви војници може да се бара до 2018 година. Тој, исто така, рече дека во исполнувањето на таа улога за помош, НАТО може да има обврска да обезбеди и борбена поддршка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.