Јованка Броз и натаму е во тешка здравствена состојба, но сѐ уште е жива и контактибилна.
– Чувствувам големо задоволство што толку луѓе ме поддржуваат и се интересираат за моето здравје – рекла Броз во разговорот со лекарот Златибор Лончар, директор на белградскиот клинички центар кој вчера ја посетил.
Јованка беше примена во болница во петокот, а по првичните прегледи лекарите се сомневаат дека има напредна фаза на рак.
– Претпоставуваме дека има тумор на кожата кој потекнува од еден младеж на грбот, кој поради нелекувањето се проширил. Дополнителните анализи ќе покажат каква е вистинската состојба. Во секој случај, нејзиното здравје е многу запустено, веројатно подолго време е тешко болна – рекол д-р Лончар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
