Погледнете го бруталниот напад на лавовите во украинскиот циркус (видео)

Во текот на една од најпопуларните циркуски изведби со лавови во циркусот во градот Лвов, Украина дојде до незапаметен инцидент. Во наизглед мирната изведба се тргна наопаку кога еден од лавовите го нападна тренерот.

Американско семејство, како што пренесува еРепортер, го снимиле бруталниот напад на лавовите на дресерот во украински циркус. Нивната камера го фатила моментот кога два лава, иритирани поради постојаното туркање со метален стап, го напаѓаат кротителот Олексеј Пинк.

-Децата почнаа да врескаат и беа на само три метри оддалеченост, изјави за американската мрежа Си-Би-Ес Даг Шепард , кој го снимил инцидентот во циркусот.

-Еден кротител ги туркаше лавовите со метален стап од надвор, а тоа истото го правеше и нападнатиот кротител. Лавовите сепак го избраа да го нападнат само кротителот внатре, кој за малку ќе беше изеден’, изјави Шепард.

Неговата сопруга Маша од страв ја грабнала ќерката и избегала надвор од циркусот, плашејќи се лавовите да не ја урнат заштитната ограда.

-Видов многу добри циркуски точки, но по ова што го видовме ќерка ми рече дека повеќе никогаш не сака да оди во циркус. Ни малку не ја обвинувам за тоа, изјави загижениот татко.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.