Предвидувањата се дека Антиќ ќе има лимитирано време на паркетот се додека не докаже дека може да игра на ниво на НБА-лигата и да придонесува за тимот. Вредните аналитичари исто така „пресметале“ и учинокот на пвиот македонски кошаркар во најсилната лига на светот, а тоа е 2,5 поени и 1,7 скок по меч.
Крилниот кошаркар пред еден месец потпиша двегодишен договор со „јастребите“ вреден 2,5 милиони долари, а ќе игра на позицијата крилен центар каде што како неприкосновен стартер е Пол Милсап додека од клупата своја шанса покрај Антиќ ќе чекаат Ал Хорфорд, Мајк Скот, Елтон Бренд и Густаво Ајон, кои ќе конкурираат за позициите „четири“ и „пет“.
Антиќ во својата последната сезона во дресот на грчки Олимпијакос во најквалитетното клупско натпреварување на Стариот континент, Евролигата на 31 натпревар имаше просек од 6 поени, 3,5 скока во 18 минути минати на паркетот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
