Грчката Агенција за приватизација следниот месец ќе распише седум нови тендери за продажба на државни акции, објави денеска весникот „Нафтемборики“.
Се очекува да бидат дадени на продажба пристаништата во Патра и во Солун, а подоцна ќе бидат објавени тендери и за продажба на десет регионални пристаништа, водостопанството ЕВДАП и железничкиот оператор ТРЕНОСЕ.
Агенцијата за приватизација бара начин и за забрзување на продажбата на компанијата за гас ДЕПА, откако претходниот тендер пропадна во јуни, кога единствен понудувач руската компанија „Газпром“ се повлече под притисок од Брисел.
Грција во согласност со договорот со меѓународните кредитори треба да собере 2,5 милијарди евра од продажба на државните акции до крајот на година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
