Само неколку дена по европската премиера на фестивалот на брзината во Гудвуд, престижниот „порше панамера“ (Porsche Panamera) од втората генерација пристигна и во Македонија. Вработените во „Порше Македонија“ („Porsche Macedonia“), како и сите посетители на салонот кои веќе го видоа автомобилот, не останаа рамнодушни на убавецот кој освојува со својот ексклузивен дизајн, моќност на моторот и техничка перфекција, а отсега „порше панамера“ ќе плени погледи и по скопските улици.
„Панамера“ е вистинско олицетворение на сето она што го карактеризира името „порше“ во светот на автомобилите – страст, моќ, возбуда, прецизност и престиж. „Панамера“ од втората генерација повторно претставува хармоничен спој на спортски дух и секојдневна практичност, традиција и иновација, ексклузивност и општествена прифатливост, дизајн и функционалност.
Автомобилот импресионира со перфекцијата во деталите и софистицираната технологија, сето тоа завиткано под велот на ултрамодерен дизајн и нов начин на размислување.
Редизајнираната надворешност е инспирирана од новата генерација на „порше 911“ – истакнати линии, нови LED предни светла, поголеми отвори за воздух и заостренa силуета во задниот дел. Оптимирани се системите за безбедност и погодност како радарска контрола на растојание, а новина е и технологијата за препознавање на сообраќајните знаци со помош на радарската камера.
Удобноста ја гарантираат комфорните спортски седишта со можност за греење и вентилација, како и изборот на повеќе бои и видови кожа. Информацискиот систем, навигацијата и системот за озвучување од највисока класа се леснодостапни и прегледни благодарение на големиот екран чувствителен на допир во инструмент таблата и модулите за поврзување со различни периферни уреди.
Под хаубата се забележуваат најголемите промени во однос на претходната генерација. Комплетната палета на втората генерација се состои од 10 модификации. Основниот модел е V6 дизел моторот со 250 КС и забрзување од 0 до 100 km/h за 6,3 секунди, додека топ модел во понудата е верзијата „порше панамера турбо“, која може да се нарача и во продолжена верзија – Executive. Моторот е 4.8-литарски V8 мотор со 520 КС, времето за забрзување од 0 до 100 km/h e само 4,2 секунди, а максимална брзина е 305 km/h. Како најекономична верзија во палетата се издвојува и „порше панамера С“ со E-Hybrid и plug-in технологија, синхронизиран електромотор со вкупна моќност од 416 КЅ, максимална брзина од 270 km/h и просечна потрошувачка од само 3,1 l/100 km.
„Панамера“ го прави возењето на голем туристички автомобил поудобно и позабавно, а возењето на лимузина неповторливо динамично, на особена радост на љубителите на висококвалитетните автомобили.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
