Од дневникот на Тарчуловски: Крушево, Младен и Мелани уживаа во гласот на мојта Соња (ФОТО)

Во рамките на манифестацијата „Десет дена Крушевска Република“ беше вклучен и нашиот коњанички марш, тргнавме денес со дефиле низ Крушево.  На самиот почетокот не пречека  градоначалникот Ѓорги Дамчески  и негови соработници, а по него  уште поголема чест ни претставуваше големата толпа на луѓе која со насмевки на лицето  ни посакаа добредојде.

Целиот коњанички ИЛИНДЕНСКИ марш, качен на коњите облечени во традиционална и автентична македонска облека гордо продефилиравме низ улиците на Крушево упатени кон споменикот на Питу Гули.  Како што се движеше самата коњаница, веднаш зад нас беше  делегацијата на чело со градоначалникот,  а веднаш зад нив беа граѓаните на Крушево и луѓето кои пристигнаа од сите градови да го преследат ова случување.

Кога стигнавме кај споменикот на Питу Гули положивме свежо цвеќе и се поклонивме. Веднаш потоа сите заедно се упативме кон споменикот на Никола Карев на локалитетот Гумења за да се поклониме, оставиме цвеќе и да оддадеме почит. За на крај да се упатиме кон Споменикот на паднатите борци на локалитетот Мечкин Камен. Потоа следуваше голема културно – уметничка програма, која трае до самиот момент.

Вечерва овде со мене е и мојата сопруга Соња, која  за да ја збогати културната уметничка програмата ќе отпее нешто патриотско,  а јас со моите деца Мелани и Младен слушајќи ја заедно ќе уживаме.

Се надевам и дека сите што се вечерва овде присутни ќе уживаат во големата културно – уметничка програма.
Честит Илинден Македонци !!! Каде и да сте! Нека е Честит и Вечен најголемиот Македонски национален, верски и државен празник.