Грција: 300 евра казна за купување од Африканец на плажа

Ако и покрај златнозорците заминете на одмор во Грција, внимавајте каде и што купувате.

Брачна двојка од Србија, пренесуваат медиумите, којашто купила фустан од продавач од Африка на грчка плажа за десет евра, биле опколени од грчки полицајци кои барале да платат казна од 300 евра.

Овој пат казната им била простена, со препорака да внимаваат од каде купуваат зашто во Грција е во тек акција против сивата економија, а посебно против продавачите од Африка.

Стопанската комора на Пиреја и Здружението на хотелиерите на почетокот на сезоната им делеле летоци на туристите на седум јазици на која пишувало: „Должни сме да ве информираме дека илегалното купување е противзаконско. Купувачите за тоа дело ќе бидат виновни и гонети и парично казнувани“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.