Јохан Тарчуловски,предводник на коњаницата која се движи кон Крушево за големиот македонски празник Илинден, секојдневно објавува доживувањата за време на патувањето. Во неговиот деневник на Фејсбук вечерва тој напиша:
Морам да ви соопштам дека КОЊАНИЧКИОТ МАРШ помина уште еден прекрасен ден, воедно и многу жежок. Патувавме на 40 степени. Насекаде каде што поминавме бевме застанувани и луѓето со голема радост и среќа не гушкаа и ни даваа благослов. Ги ранеа нашите коњи и не разладуваа со прекрасната ладна вода од изворите на нашата прекрасна МАКЕДОНСКА земја, ни нудеа и овошје за освежување. Денес ни се приклучи и коњаницата тргната од Велес и сега ИЛИНДЕНСКИОТ КОЊИЧКИ МАРШ е составен од 37 коњаници.
На паузата која ја направивме се разладивме и ние и нашите коњи во убавата река Бабуна.
Кога стигнавме во Теово пријатно и достојно не пречекаа селскиот одбор и мештаните. Чест ни направи и Орце Стевковски кој не развесели со прекрасната македонска народна музика, а уште поголема чест ни направија селаните на Теово и народот надојден од градовите и селата кои се во близина за наша чест за сите заедно да седиме, славиме и уживаме.
Селаните на Теово не благословуваат и ни се заблагодаруваат што има толку многу луѓе во селото, одамна не паметат вакво нешто и толку многу народ во нивното село. Нема зборови што ќе ја опише целата атмосфера, вистински општонароден собир.
Вечеравме во прекрасната црковна трпезарија на црквата „Св. Атанасие“ и запиливме свеќи за здравје и среќа. А во дворот на црквата и вечерва ќе преспиеме и рано наутро тргнуваме со нови сили на пат од Теово кон Богомила и потоа заминување во Стровија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
