Косово го освои трофејот во машка конкуренција на седмото Отворено првенство во одбојка на песок, кое се одржа во Охрид. Првото место го освоија Валон Никчи и Газменд Хусај. Тие во финалето ги совладаа младите Бруно Мицули и Клаудио Кераџија од Албанија. Третото место го освоија домашните Дејан Симовски и Кристиан Ристески.
Со вчерашните финалиња во машка и женска професионална конкуренција, заврши овореното првенство во одбојка на песок Beach Volleyball Ohrid 2013. Се играпе пет дена на плажата Бафало во Охрид, а учествуваа 33 тимови што одиграа 80 натпревари
Кај девојките, за прв пат во седумгодишната историја на турнирот, титулата заминува во Бугарија. Марија Алаџова и Ирена Мишонова беа подобри од нашите Власта Ружиновска и Сандра Георгиевска во финалето на женскиот турнир во Охрид. Третото место им припадна на минатогодишните освојувачки на турнирот, Назе Ибраими и Вилдане Јашари од Косово.
Кај играчите до 20 години, најдобри беа учесниците во сениорското финале, Мацоли и Кераџија од Албанија, а кај девојките до 20 години Бисера Ристовска и Калина Трпевска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
