Бараме Грција веднаш да ја признае Република Македонија под уставното име и воедно да го признае македонскиот народ и македонскиот јазик, со што еднаш засекогаш ќе се реши деценискиот спор меѓу Република Македонија и соседна Грција, порачаа Македонците од Егејскиот дел на Македонија, заедно со Македонци од Албанија и од Бугарија од пограничната средба во Трново.
Здружението на егејците во Македонија, испратија неколку директни и јасни пораки, како до соседните земји, така и до земјите од Европската унија, Франција и Германија. Потпретседателот на здружението Ѓорги Волчевски побара и другите соседни земји, Бугарија, Албанија и Србија да се надминат себеси и да ги решат сите наметнати спорови со Македонија.
– Ние Македоцните од Егејска Македонија најдобро знамеме како тие замислуваат да го решат овој спор. А тој е да се откажеме од се што е наше македонско рече Волчевски.Инаку, на средбата, која се одржа под покровителство на Општина Битола, покрај другитеговорници од соседна Албанија и Бугарија говореше и градоначалоникот на Битола ВладимирТалески, кој истакна дека сите Македонци, кои овие денови се дојдени во Битола и Македонија да се вратат во своите родните краишта и тука да го инвестираат својот капитал, пренесе Нова Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
