Хаос поради штрајк на аеродромот во Брисел

Околу 150 летови денеска се откажани од „Аеродром Брисел“ поради штрајк на носачите на багаж, кои протестираат поради условите за работа.

Штрајкот, кој синдикатите претходно не го најавиле, почна синоќа, поради што беа откажани 50 летови.

– „Аеродромот Брисел“ обезбеди кревети за 300 лица, кои беа приморани да ја поминат ноќта на аеродромот, изјави портпаролката на аеродромот.

Според неа, бројот од 150 откажани летови би можел да се зголеми во текот на денот.

Штрајкот на работниците на белгиската компанија „Авиапартнер“ влијае на 29 авиокомпании, меѓу кои „Рајанер“ и КЛМ, но не и на белгиската авиокомпанија „Брисел ерлајнс“, која користи друг оператор за носачи на багаж.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.