Кинотеката на Македонија во соработка со Амбасадата на Јапонија во Скопје со поддршка на Министерството за култура на Република Македонија, од 22 до 25 октомври организира Недела на современ јапонски филм.
Во четирите фестивалски вечери во терминот од 20 часот ќе бидат прикажани четири нови филмови од јапонската кинематографија, снимени од 2013 до 2016 година.
Неделата на современ јапонски филм ќе започне со проекција на играниот филм ЖИВОТНО ВЕТУВАЊЕ во режија на Кан Ишибаши и со Такеш Китано во една од главните улоги 2016 година. Режисерот Кан Ишибаши има богато телевизиско искуство и сторијата ја има сместено во милјето на ТВ продукцијата и фестивалите.
Во наредните денови ќе бидат прикажани и: ВАНКУВЕР АСАХИ во режија на Јуја Ишии, ПЕЈ ГО МОЈОТ ЖИВОТ на Нобуо Мизута, и ИСКРА НА ЖИВОТОТ во режија на Банџи Сотојама.
Сите филмови се со македонски и англиски превод.
Билетите за проекциите се бесплатни и истите може да ги резервирате од 16- 19 часот на билетарницата на Кинотеката на Македонија на 02 3065968.
Резервираните билети ќе може да се подигнат 15 минути пред почетокот на проекцијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
