Социјалната мрежа Фејсбук соопшти дека денеска скоро 50 милиони корисници биле изложени на безбедносен проблем. Ранливоста во заштитата на податоци хакерите можеле да ја искористат преку опцијата „Вју ез“ (View As).
Компанијата на почетокот од оваа недела откри дека дошло до упад на системот, откривајќи дека хакерите ја користеле опцијата во кодот на Фејсбук, која им овозможила преземање на кориснички профили.
Фејсбук го „среди“ овој проблем и како што наведуваат во соопштението, надлежните органи се известени за истиот.
Денеска утринава повеќе од 50 милиони корисници на Фејсбук биле присилени да се одлогираат од профилот, што е вообичаена мерка за безбедност за профили кои се нападнати.
Компанијата навела дека не знае кој стои зад овој масивен напад, како ни дека уште не успеале да ја проценат неговата обемност. Како што навеле, уште се во почетна фаза на истрагата.
Facebook says a security breach affected nearly 50 million accounts https://t.co/fFn4OE21HA
— TIME (@TIME) September 28, 2018
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
