Трагикомедија: Едногодишно дете ја затворило баба си на балкон, пожарникари ја спасувале

Едногодишно дете ја затворило баба си на балкон и не сакало да ја отвори вратата и покрај нејзините молби. Таа го чувала својот внук, а во еден момент морала да излезе на терасата, кога тој ја затворил вратата зад неа и не сакал да ги слуша нејзините молби да ја отвори вратата. Во трагикомичната ситуација, која вчера се случувала во Осиек, Хрватска, морале да интервенираат и пожарникарите.

Тие стигнале до терасата каде се наоѓала бабата преку соседите, но не можеле да интервенираат на вратата, затоа што детето не сакало да се тргне од стаклената врата.

Се обидовме да му кажеме да се тргни, но не разбираше. Побаравме помош и од бравар, но додека го чекавме, малиот наеднаш се тргна од вратата, на околу еден метар, легна и заспа на подот. Тогаш пополека, со секири ја подигнавме вратата, внимавајќи да не напукне стаклото – раскажал еден од четвортицата пожарникари кои учествувале во спасувањето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.