Валканите работи на Владата ги одработува „Стратагем”: Цензурата на критичките медиуми и граѓани чини милиони

Откако министерката за одбрана Радмила Шекеринска го прогласи Инфомакс за државен непријател број еден, истата вечер порталот бил блокиран поради хакерски напад, а во текот на денот беше блокирана и страницата на Фејсбук, пишува Инфомакс.

Порталот дознава дека валканата работа на Владата ѝ ја одработува странска компанија специјализирана за перење  мозоци, „Стратагем”, која освен за социјален инженеринг, специјализирна е и за цензурирање страници и профили на Фејсбук и Твитер.

На Твитер се огласи и движењето #Бојкотирам, кој ја посочи компанијата ,,Стратагем” како надворешен цензор на владата на СДСМ.

Инфомакс дознава дека дури 157 лица работат на подмолниот план за цензура и спроведување на едноумие во Македонија, пред и по референдумот за самоукинување и уништување на Македонија. Целта е јасна, пишува порталот, а тоа е замолчување на сите  противници на капитулантскиот договор за промена на името.

Притисокот врз Република кулминира – власта ги контролира медиумите и на Фејсбук

Според инфорациите на Инфомакс милионски суми покрај оние од буџетот и џебот на граѓаните се алоцирани за создавање на медиумски мрак во Македонија за време на кампањата за референдумот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.