Кој е крив за грчката криза? Папандреу го посочува Караманлис

Поранешните грчки премиери си ја префрлаа вината за економската криза. Социјалистот Јоргос Папандреу преку грчкиот веб-сајт „Капитал“ го обвини претходникот конзервативецот Костас Караманлис, нарекувајќи ја на неговата политика „криминална“.
Тој наведува дека уште од првиот мандат зборувал за реалната состојба на грчката економија и дека барал дополнително време од европските партнери за да ги реши проблемите на земјата.
Меѓу другото, вели оти владејачката партија и дел од медиумите до 2009 година ширеле гласини дека неговата Влада фабрикувала статистички податоци за буџетскиот дефицит за да се дискредитира управувањето на социјалистите.
Папандреу смета дека партнерите на Грција првично покажале смиреност, потоа страв и неодлучност и на крајот рамнодушност во однос на нападите на пазарите против Грција, додека аналитичарите вината ја префрлиле само врз него.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.