Се подготвува единствен извештај за причините за смртта на 28-годишната родилка од Свети Николе, која почина во штипската Клиничка болница пред повеќе од еден месец, информираше вчера во штип министерот за здравство Венко Филипче.
Соопшти дека се изготвени извештаите од комисијата која ја формираше Министерството за здравство и наодите од Судска медицина.
– Комисијата работи на еден единствен извештај, којшто ќе произлезе и од увидот и од извештајот од Институтот за судска медицина. Се чекаше затоа што дел од комисијата користеа годишни одмори, сега веќе работи комисијата. Верувам дека следната недела ќе го имаме завршниот извештај, рече Филипче.
Дваесет и осумгодишната родилка Маја Паневска од Свети Николе почина минатиот месец на акушерското одделение во Клиничка болница-Штип откако роди здраво машко дете. Паневска била прворотка и имала нормална бременост.
Завршниот извештај треба да даде одговор за причината за смртта, кој го чека и нејзиното семејство.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Филипче: Маските не го решаваат проблемот со аерозагадувањето
-
Филипче најави нов тендер за реагенси од 35 милиони евра
-
Филип Димишковски е првиот пациент во Македонија кому му е извршена трансплантација на коскена срцевина од несроден дарител
-
Животот со глава се плаќа во мандатот на Филипче: Родилка во кома хоспитализирана на геријатрија
