Пред 27 години познатата глумица Никол Кидман имала вонматерична бременост и го изгубила првото бебе со поранешниот сопруг Том Круз. Но, болката која тогаш ја чувствувала не поминува ниту денес.
Во емотивно интервју за британскиот “Tatler”, Никол, која е инаку мајка на четири деца, проговори за првото дете кое го изгубила на 23 години додека била во брак со Том Круз како и за тоа дека оваа тема и понатаму е табу.
Втората бременост пак, која ѝ се случила пред крајот на бракот на овој пар исто така била неуспешна, но за разлика од претходната, овде станувало збор за спонтан абортус.
-Ја знам желбата… тоа е огромна, болна желба. И губиток! Губењето на дете поради спонтан абортус е нешто за кое не се зборува доволно. Тоа за жените е огромна жалост”, рекла Кидман.
Никол и Том биле во брак 10 години и имаат посвоени деца, Изабела и Конор.
-Огромна е дозата на болка и огромна е дозата на радост од другата страна- рекла Никол за тоа какво е чувството да станат родители.
После разделбата од Том Круз, Никол во 2006 година се омажи за кантри ѕвездата Кит Урбан со кој има две ќерки Сандеј Роуз и Фејт.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
