Од 1 јули родителите во Србија за трето дете ќе добиваат месечно по 12.000 динари (околу 100 евра) во наредните десет години, а за четврто дете 18.000 динари (околу 150 евра), изјави министерката задолжена за демографија и популациска политика Славица Ѓукиќ Дејановиќ.
Таа појасни дека привршуваат законските измени кои го регулираат прашањето на финансирањето, односно Законот за финансиска поддршка на семејството и Законот од сферата на биомедицински потпомогнато оплодување.
– Тоа се мерки кои директно ја ублажуваат економската мерка за воспитување на децата, и тоа третото и четвртото дете. Ако мајката во блиска иднина роди трето и четврто дете, таа ќе има 30.000 динари (околу 250 евра) со цел животниот стандард на третото и четвртото дете да биде како и на првите две, појасни Ѓукиќ Дејановиќ по објавувањето на конкурсот за распределба на средства на општините за поттик за раѓање.
Една од мерките за стимулација која треба да се примени е и таа која се однесува на жените кои родиле дете во постапка на вонтелесно оплодување дека имаат право на уште три обиди на трошок на државата.
Право на аплицирање имаат родителите кои добиле трето или четврто дете од почетокот на годинава.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
