После смртта на бремената Бојана Милановиќ(24), припадничка на војската на Србија, нејзината мајка Снежана во потресната исповед раскажува дека се сомнева во официјалната верзија и не верува дека нејзината ќерка извршила самоубиство.
Мајката скршена од болка, вели дека ќерка и била весела, расположена и пресреќна заради бременоста.
-Немаше причина да крене рака на себе-рекла Снежана.
Таа додава дека инспекторите кои вршеле увид имале сомнеж во врска со смртта на Бојана.
-Бојана е најдена мртва во кревет, во долна облека во која инаку спиела. Имала две рани на телото. Инспекторот кој го вршел увидот рекол дека според положбата на телото и раните, таа не можела да пука во себе- рекла Снежана.
Таа додала дека едната рана од куршумот била под левата дојка, а другата на главата.
-Како е можно два пати да си нанесе смртоносни повреди, се прашува и како никој од семејството не дошол да ја види Бојана, кога се слушнал истрел.
-Беше заљубена и подготвуваше свадаба, зарем би можела да си го направи ова-прашува мајката на Бојана.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
