Ако планирате нешто во природа за велгиденските празници, најдобро е тоа да го направите во недела или понеделник, бидејќи со стартот на продолжениот велгиденски викенд, ќе ни се расипе и времето. Денеска, утре и задутре ќе имаме вистински пролетни услови. Повремено ќе има облаци но деновите ќе бидат со многу сонце и температури кои во некои делови од земјата ќе достигнат 27 степени, а во Скопје до 23.
Во петок значителен пад на температурите и тмурен, дождлив ден. Максималната температура ќе се искачи до 15 степени, а денот воопшто нема да биде добар за прошетки, освен ако не сте од оние кои уживаат на дожд под чадорот.
Во сабота ќе почне стабилизацијата, но денот ќе биде претежно облачен со максинални температури до 22 степени низ Македонија и 19 во Скопје. Во недела ќе биде вистинско уживање. 25 степени низ Македонија проследени со многу сонце и 21 во Скопје ќе креираат услови за совршено велигденско уживање во природа.
Слично време ќе не чека и во понеделник, а веќе со почетокот на работата недела од вторник ќе почне период на наоблачување, што до крајот на неделата и викендот по Велигден ќе донесе и намалување на температурите. Долгорочните прогнози најавуваат заладување и интензивни врнежи во претпоследната недела од април и услови кои воопшто не личат на пролет.
Температурите се очекува да се спуштат под 14 степени, а утринските и до 2 степен, што се чини ќе биде последното што ќе има да го каже задоцнетата зима со која си имавме проблеми оваа година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
