Во 14 часот и 15 минути вчера на автопатот кај клучка Стајковци, патничко возило „Фолксваген Голф“ со скопски регистарски ознаки, управувано од 22-годишниот Б.А. од Скопје, изгубило контрола и удрило во метална ограда и бетонски ѕид.
Од здобиените повреди, возачот починал на местото на настанот. Од ударот со тешки телесни повреди се здобила 14-годишна сопатничка од Скопје, а со телесни повреди се здобила и 49-годишната Х.А. од Скопје. По укажаната лекарска помош во Градската општа болница „Св.Наум Охродски“, Х.А. била пуштена на домашно лекување, додека14-годишното девојче било однесено во Ургентен центар при комплексот клиники „Мајка Тереза“ во Скопје каде била задржана на понатамошно лекување.
Увид на местото на настанот извршиле Јавен обвинител и екипа на СВР Скопје.
По наредба на Јавен обвинител, телото на починатиот било предадено за обдукција.
За време на увидот од 14.50 до 18.00 часот сообраќајот бил пренасочуван.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
