Богат сум, не сум ни Ганди, ни Мендела: Саудискиот престолонаследник потрошил милиони долари на овие три работи!

Саудискиот престолонаследник Мохамед бин Салман гостувал во емисијата „60 минути“ на ТВ куќата СиБиЕс, каде одговорил на низа прашања за улогата на исламот, женските права, но и за своето богатство.

На почетокот рекол дека е свесен дека во Саудиска Арабија е доминантна ултраконзерватитвната интерпретација на исламот, поради што на жените им се одземени човечките права.

-Бевме жртви, посебно мојата генерација многу страдаше – рекол за ултраконзервативниот бран кој ја зафати земјата во 1979 година.

Тој вети дека ќе ги зголеми правата на жените во Саудиска Арабија, а  ќе започне со правото жените да може да возат автомобил.

-Жените се апсолутно рамноправни со мажите. Сите сме човечки суштества и меѓу нас нема разлика -рекол тој.

После неговото доаѓање на власт ублажени се одредбите за тоа што жените смеат да носат, зголемен е нивниот удел во работата сила, а се работи и на изедначување на платите на мажите и жените.

На него му забелжуваат што троши енормни суми на пари, додека јавно зборува за фискална одговорност и нови даноци. Во медиумите се појавија информации дека купил јахта за 500 милиони долари, француски дворец за повеќе од 300 милиони долари и слика за 450 милиони долари.

-Што се однесува до моите приватни трошоци, богат сум, не сум сиромашен. Не сум ни Ганди, ни Мендела- заклучил тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.