Детали од заканувачките писма до Коѕијас и грчките министри: Имаме 3 куршуми, по еден за секоја Македонија

Имаме 3 куршуми, по еден за секоја Македонија – пишувало според грчките телевизии Стар, ЕРТ и Скај во дописот со закани испратен до шефот на грчката дипломатија. Според истите извори, било откриено и второ писмо, кое освен до Никос Коѕијас, било адресирано и до уште тројца министри во грчката влада.

– Имаме 3 куршуми спремни за тебе и за твоето семејство. По еден за секоја Македонија, пишувало, меѓу другото, во првиот допис, според грчките телевизии, рачно напишано без потпис.

Второто писмо се однесувало на пратениците, а било наменето и за министерот за одбрана Панос Каменос, министерот за правда Ставрос Кондонис и министерот за образование Костас Гавроглу.

– Триста пратеници во парламентот се предавници. Да влезат војската и полицијата во парламентот, напишал анонимниот испраќач.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.