Вградено првото вештачко срце во институтот „Дедиње“ во Белград

Првото вештачко срце во овој регион е вградено во Институтот за кардиоваскуларни болести „Дедиње“ во Србија.

Како што објавија Новости, зафатот бил извршен во саботата од тим лекари на тој Институт врз пациент на возраст од 43 години, кој имал изразена слабост на работата на срцето и со тоа добил значајно време да почека соодветен орган и трансплантација.

Механичкото срце е слично со големина како и вистинското. Се напојува со батерии кои пациентот по излегување од болница ги носи на грб во ранец тежок шест килограми.

Операцијата траела речиси пет часа. Секој детаљ е снимен, а видеото ќе биде прикажано во јавноста, објави весникот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.