Паѓа рејтингот на Ципрас – дали Заев ќе биде извисен за решавањето на спорот?

Најновите анкети во Грција можат директно да влијаат на решавање на спорот за името затоа што владеачката СИРИЗА е под силен притисок на опозициската партија Неа Демократија која што е во значително водство.

Во ситауција кога партијата на премиерот Ципрас има околу 12 % заостаток зад Неа Демократија на Киријакос Мицотакис тешко е да се очекува дека владата во Атина ќе влезе во сериозни преговори за името кои што можат дополнително да го нарушат нејзиниот рејтинг.

Според анкетата на Универзитетот Македонија од Солун а по нарачка на телевизијата Скај Нова Демократиаја е најпопуларна партија со 30,5 % пред СИРИЗА со 18,5 %.

На изненадување на грчката јавност според истражувањето трета најсилна партија веќе не е националистичката Златна Зора туку наследниците на некогаш најсилнбата партија ПАСОК кои што привремено се именуваат како Демократска коалиција а допрва ќе го бираат своето постојано ново име. Сега ПАСОК има 8% а Златна Зора 7% популарност.

Враќањето на ПАСОК на политичката сцена се случува по новиот мандат на лидерката Фофи Генимата добиен на последниот конгрес на партијата одржан викендот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.