Синоќа по 18 часот на булевар „Партизански одреди“ извршени се две разбојништва во кои со закана со нож се одземени пари и часовник.
Министерството за внатрешни работи соопшти дека вчера во 18,20 часот пријавено e дека во Скопје на бул.“Партизански Одреди“ од страна на две непознати лица со закана со нож било извршено разбојништво над П.П. (19) при што му биле одземени 300 денари.
Вториот случај две непознати лица во 18 и 45 минути на автобуска постојка пред Трговскиот Центар „Алуминка“, со закана со нож извршиле разбојништво над А.Т. (19) и уште едно 17- годишно лице при што и на двајцата им биле одземени по 200 денари и часовник.
Се преземаат мерки за целосно расчистување на двата случаја.
Изминативе недели се случија неколку разбојништва на овој булевар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
