Во Атина се одбележа годишнината од бунтот против хунтата – се протестираше и пред амбасадата на САД

Илјадници Грци денеска маршираа низ улиците на Атина одбележувајќи ја годишнината од студентскиот бунт во 1973 година, против воената хунта, која тогаш беше на власт во Грција.

Повеќе од 10.000 демонстранти прошетаа до Амбасадата на САД во Атина. Дел од демонстрантите ги обвинуваат САД дека ја поддржувале хунтата.

За безбедноста на маршот беа ангажирани околу 5.000 полицајци.

Претходно, Грците положија цвеќе пред Политехничкиот факултет во Атина, за да им оддадат почит на загинатите за време на бунтот.

По маршот, помали групи демонстранти запалија контејнери и фрлаа камења врз полицајците во близина на Политехничкиот факултет.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.