Шеснаесетгодишен ученик вчера бил претепан на автобуската постојка во близина на Народна банка на РМ.
Како што е наведено во полицискиот билтен, таткото на ученикот вчера во 15:30 часот во полиција пријавил дека околу 13:00 часот, неговиот 16-годишен син од скопското село Побожје, ученик во средно училиште, додека чекал на автобуската постојка во близина на Народна банка на РМ, заедно со негови другари, бил физички нападнат од неколку лица на возраст од 16-17 години.
Од нападот малолетникот се здобил со видливи повреди, а се пожалил и на болки во главата. Се преземаат мерки за пронаоѓање на лицата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
