Првиот проект на Шилегов: Ги исече дрвјата во Чаир, паркобраните молчат!

Јавното претпријатие „Паркови и зеленило“ вчера ги исече дрвјата во паркот кај поликлиниката во Чаир во Скопје, а од Кабинетот на градоначалникот на Скопје Петре Шилегов наводно не знаеле за оваа сеча.

Граѓаните кои живеат во околните згради бараат објаснување од Град Скопје зошто е исечен пола парк, кога Скопје се соочува во висока загаденост на воздухот.

Од ЈП„Паркови и зеленило“ велат дека ги исекле дрвата бидејќи се работело за тополи кои биле опасни.

Се наметнува прашањето што работи Шилегов, кога божем не знае што му се случува во градот. Тој и СДСМ претходно ги критикуваа сите сечи низ градот, обвинувајќи го претходниот градоначалник дека не му е грижа за воздухот и граѓаните. Сега новиот градоначалник ниту нешто работи, ниту е информиран, ниту пак го интересира што сечењето на дрвјата ќе придонесе за зголемување на и онака загадениот воздух.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.