Во Кавадарци, Демир Капија и Росоман гласањето почна без проблеми

Без проблеми почна утрово вториот круг од локалните избори во Кавадарци, Демир Капија и Росоман, информираа претседателите на општинските изборни комисии.

Избирачкиот список брои 32.706 кавадарчани со право на глас. Како што соопшти претседателот на Општинска изборна комисија Зоран Костов, се гласа на 60 избирачки места во Кавадарци.

Стојна Топчиева, претседател на Општинска комисија Демир Капија, информираше дека вкупниот број на граѓани со право на глас во избирачкиот список е 3.405, а денеска своето уставно право на глас демиркапијци можат да си го остварат на 11 избирачки места.

– Очекуваме и вториот круг како и првиот, да помине во мирна атмосфера, а гласањето да биде фер и демократски, нагласи Топчиева.

Лазар Симоновиќ, претседател на росоманската општинска изборна комисија, соопшти дека во избирачкиот список се евидентирани 3.410 избирачи, а росоманци можат да избираат на десет изборни места.

Вчера во овие општини од Тиквешијата гласаа болните и изнемоштените. Во Кавадарци гласаа 128 болни и изнемоштени, а 35 кавадарчани го остварија своето право на глас во затвор.

Во Демир Капија гласаа 66 болни и изнемоштени. Еден демиркапиец гласаше во затвор.

Педесет болни и изнемоштени лице гласаа во текот на вчерашниот ден во Росоман, како и еден затвореник.

(МИА)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.