Двајца повредени во 13 сообраќајки вчера во Скопје

Возач на патничко возило и мотоциклист биле потешко повредени во две од вкупно 13 сообраќајни несреќи регистрирани во текот на изминатиот ден на подрачјето на СВР Скопје. Во седум полесно биле повредени осум лица, а четири поминале со материјална штета.

Како што информира МВР, во текот на вчерашниот ден сообраќајната полиција открила и санкционирала поголем број прекршоци, меѓу кои четворица возачи кои не го почитувале ограничувањето на брзината на движење, тројца возачи поминале на црвено светло на семафор, тројца возачи почетници сториле прекршоци по разни основи, како и 12 возачи кои го управувале возилото без возачка дозвола, односно нерегистрирано. Затекнати биле 49 непрописно паркирани возила.

Со помош на специјалното возило пајак, отстранети биле 56 возила.

Во рамките на сообраќајно воспитниот проект „Да ги заштитиме децата во сообраќајот, Одделението за превенција денеска ќе реализира едукативни работилници со учениците од четврто одделение во ООУ „Јахија Кемал“, кое се наоѓа на подрачјето на општина Карпош.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.