Семејна драма се случувала вчера околу 12,30 часот во Прилеп на улицата „Бистра Планина“. Син успела да го спаси неподвижниот татко од опожарениот дом. Триесет и петгодишниот Ш.Б. низ прозорец го извлекол татка си од семејната куќа во која од засега непознати причини избувнал пожар.
Според полицијата, целосно е опожарена собата на приземјето каде бил сместен неговиот татко. На првиот кат од куќата изгорена е целосно целата покуќнина како и осум сандаци со мед. Во пожарот е зафатена и кровната конструкција од стариот дел од куќата во која живее неговиот брат Ш.Т. Од пожарот е причинета материјална штета од околу 500.000 денари. Од страна на екипи на територијална противпожарна заштита, пожарот е изгаснат. Увид на лице место извршила екипа од Полициска станица Прилеп.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
