На денешните парламентарни избори во Австрија бил забележан еден инцидент кога пензионер дошол на избирачкото место со намера да го запали.
Како што соопштија од полицијата, пензионерот имал 77 години и бил психички пореметен, а на гласачкото место во Хартберг дошол со канистер со гориво.
Горивото го истурил пред избирачкото место, но минувачите го спречиле да го запали.
Полицијата го уапсила пензионерот и бил повикан лекар да го прегледа, а според полицијата мотив за палење на избирачкото место било неговото незадоволство со политичката ситуација во земјата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
