Институтот за јавно здравје информира дека во текот на денешниот ден лабораториски се потврдени уште 3 случаи на морбили. Се работи за деца на возраст од три и пет години и пациент на возраст од 27 години.
Децата претходно не биле вакцинирани против морбили и се вакцинирани пред неколку дена во рамки на акцијата за вакцинирање на контакти и невакцинирани лица, но сепак кај овие дечиња контактот со заболен бил неколку дена претходно, односно вирусот веќе бил во развојна фаза, додека за дадената вакцина против морбили потребни се повеќе денови за создавање имунитет.
Возрасниот пациент не е претходно вакциниран, додека за време на акцијата за вакцинирање не бил присутен во областа. Сите се хоспитализирани на Клиниката за инфективни болести.
Пациентите се во непосредна роднинска врска со претходно заболените, биле во контакт и живеат во Кванташка депонија – на теријата на општина Гази Баба, каде претходно беше прогласена и епидемија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
