„Генерација Милениум“ – урбана бајка со документарна жичка во кината низ Македонија

„Генерација Милениум“ во режија на Јана Биргелин, филмот што ја имаше својата светска премиера на годинашното Берлинале, од денеска се прикажува во киносалите низ Македонија.

Филмот ги следи двата протагонисти Ен и Лео како нивна придружба. Двајцата се во раните 30-ти години, тие се блиски пријатели, но не и пар. Она што ги поврзува е нивната урбана позадина и нивниот космополитски став. Тие се разликуваат само по различниот пристап кон малите нешта во животот. Деновите и ноќите им се исполнети со различни можности, но сепак ништо не се одвојува.  Ен е успешна режисерка, која е решена да направи кариера. Но, нема многу активен социјален живот. Лео, пак, е со главата в облаци. Сака да биде фотограф и копнее да сака и да биде сакан. Нивните средби и инспиративни авантури ќе ги предизвикаат да ја воочат ограниченоста на нивните различни пристапи кон животот.

„Генерација Милениум“ е атмосферско патување низ „сентименталната едукација“ на двајца индивидуалисти кое ги опишува нивните неуспеси и нивните среќни моменти. Урбана бајка со документарна жичка, пренесена со чудна неизвесност и осцилира помеѓу тука и сега и софистицирана наративна структура.

Дистрибутер на филмот за Македонија е „КТ Филм и Медиа“, со поддршка од German Films.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.