Американскиот рок бенд Аеросмит објави дека ја прекинува турнејата во Јужна Америка, бидејќи фронтменот на групата Стивен Тајлер (69) има здравствени проблеми.
Тајлер, на неговиот Твитер профил им порача на неговите фанови да не се грижат и оти тој е надвор од животна опасност, но дека мора итно да добие медицинска нега. Тој не прецизираше за што точно станува збор.
Пораката е упатена до сите во Јужна Америка – Бразил, Чиле, Аргентина и Мексико.
– Многу ми е жал, се чувствувам како да ве изневерив. Нема да можам да ги одржам последните четири настапи од оваа турнеја. Морав да се вратам во САД по лекарска препорака, посочи Стивен.
Аеросмит, е формирана во 1971 година, се една од највлијателните рок групи во САД. Досега имаат продадено 66,5 милиони албуми во САД и 12 пати имаат добиено мулти-платинум награди за нивните албуми.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
