Пет лица со знаци на акутно труење со храна побарале лекарска помош на Клиниката за инфективни болести, откако конзумирале храна од скопската Гостилница ДМ, соопшти Државниот санитарен и здравствен инспекторат, кој бил известен од Центарот за јавно здравје-Скопје.
Државниот санитарен и здравствен инспекторат денеска изврши вонреден инспекциски надзор во „Гостилница ДМ“, лоцирана на ул. “Орце Николов“, заедно со екипа на ЦЈЗ Скопје и со претставници од Агенција за храна и ветеринарство, при што било констатирано незадоволително ниво на хигиена во објектот, по што веднаш е извршена превентивна дезинфекција, дезинсекција и дератизација на објектот од овластена установа.
При надзорот се земени материјали за микробиолошко испитување:
– десет брисеви од работни површини во кујна и од кујнска опрема,
– брисеви од нос и грло од присутните шест вработени лица,
– испироци од раце од четири затекнати вработени лица во кујна и на шанк;
– 5 мостри од храна според епидемиолошкиот увид на екипата од ЈЗУ ЦЈЗ Скопје.
Објектот е времено забранет за употреба.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
