Патничко моторно возило „Фолксваген Поло“ со прилепски регистерски ознаки, сопственост на М.И.К., било опожарено рано утрово на улицата „Трајко Тарцан“ во Прилеп. Како што соопшти денеска МВР, случајот рано изутрината во 01:10 часот во Полициската станица Прилеп го пријавила Територијалната противпожарна единица-Прилеп.
По извршениот увид било утврдено дека пожарот го предизвикал непознат сторител. Возилото било опожарено во делот на задната десна гума, дел од браникот, едното крило, дел од покривот, задната десна врата, петтата врата, тапацирот во внатрешниот дел и багажниот простор.
Се преземаат мерки за целосно расчистување на случајот.
(Фото – илустрација)
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
