Полицијата во Истра приведе 44-годишен маж осомничен дека лани со запалка намерно потпалил 25 пожари, со што сторил кривично дело доведување во опасност на животот и имотот со опасно орудие или средство.
Осомничениот од февруари до 9 август предизвикал 25 пожари со палење трева, при што огнот се проширувал поради временските услови.
Само во еден пожар изгореле околу 1,5 хектар нискостеблеста шума и 45 маслинови дрва.
Полицијата соопшти дека ќе ја продолжи истрагата за да утврди дали истиот маж предизвикал и други од минатогодишните пожари на подрачјето од Бује до Умаг.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
