Индонезија: Подметнувачите на пожари ќе бидат застрелани

Воен претставник во индонезиската провинција Џамби изјави денеска дека наредил врз секој што намерно ќе подметне пожар во шумските области да се пука од огнено оружје.Оваа мерка е донесена во момент кога властите се борат со многубројни пожари во регионот.
– Целта е веќе еднаш тоа да им се стави до знаење на луѓето, кои многупати досега се предупредени. Сакаме да покажеме дека сме одлучни и сериозни, изјави полковник Рефризал, командант на силите за борба против шумски пожари во Џамби.
Тој истакна дека неговиот налог ќе биде извршен „одговорно”.
Индонезиските медиуми пренесуваат дека властите во соседната провинција Јужна Суматра, кој исто така се наоѓа на островот Суматра, издале ист таков налог.
Пет индонезиски провинции прогласија вонредна состојба поради шумските пожари во земјата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.