Во централна Португалија, која минатиот месец беше погодена од катастрофални пожари, денеска избија нови шумски пожари, кои ги гаснат околу две илјади пожарникари.
Најголемиот пожар е во близина на градот Серте, а според извештаите на португалската тепевизија во напорите за гаснење се вклучија и локалните жители, кои за таа цел употребија градинарски црева.
– Ветерот силно дува и ја отежнува борбата против пожарите, кои би можеле да се прошират, изјави портпаролката на Цивилната заштита, Патрициа Гаспар, која ги повика жителите да останат мирни.
Повеќе од 800 пожарникари се распоредени ширум областа Серта, додека речиси 600 други се обидуваат да се изборат со огнената стихија, која изби вчера во близина на градот на брегот на реката Коимбре.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
