Пожарот во лондонскиот облакодер Гренфел, во којшто минатата седмица загинаа 79 луѓе, бил предизвикан од фрижидер, и не е намерно подметнат, соопшти британската полиција.
Полицискиот детектив Фиона Меккормак соопшти дека станува збор за фрижидер со замрзнувач од моделот „Хотпоинт ФФ-175-БП“. Таа натаму појасни и дека производителот на уредот моментно врши дополнителни тестови врз него.
Исто така, изолацијата, како и плочите користени како постава на блокот, а коишто били најдени и истражени по пожарот, не го поминале тестот на запаливост, пренесува ДПА.
Наредниов период следи проверка – дали двата материјали биле законски употребени при изградбата.
Можни се и обвиненија за убиство без предумисла, додава полициската претставничка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
