Германскиот првак Баерн Минхен ги договори условите за ангажман на младиот играч за врска на францускиот прволигаш Лион, Корентин Толисо. Тој долго време беше цел на Јувентус и на Манчестер сити, но потоа Баерн, по германски рецепт, се вклучи во трката и брзо ја заврши работата. Лион ќе добие 50 милиони евра, а Баерн Минхен ќе го има наследникот на Шпанецот Чаби Алонсо во средниот ред.
Францускиот интернационалец треба да пристигне на „Алијанц арена“ наредните денови, и да го официјализира потписот на својот договор со Баерн Минхен. 22-годишниот фудбалер минатата година дебитираше за сениорскиот тим на Франција и со тоа стави крај на сомнежите дека можеби би заиграл и за селекцијата на Того. Тој во младинските категории на „триколорите“ беше капитен на својата генерација фудбалери.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
